حامد كعيد الجبوري
شد حيلك تره الدنيه محطات
مو ياهو اليجي يركب قطاره
محطات الصبر بيها الخسارات
الربح بالأيد للطال أنتظاره
أشكد يفرح الغيم ينثها زخات
ويحصدها الجراد يلم خضاره
وطبع العيط ما يترجه تالات
وكل موسم كصاص أيذب بشاره
خفافيش الدروب أتريد ظلمات
وين تروح من يشرق نهاره
محسومه النتيجه والزمن آت
العراق الفاز مايقبل خساره
شاطر يندعي وفاز أبملذات
بالتزوير منريد الشطاره