حميد الموسوي
انسام ويفيض الدم .
بسواجي إربوعنه ويروي
أراضينه .
أنسام الشراع الماتهزه الريح .
أنسام الشراع الشدته مايطيح .
وتحت هذا الشراع إحنه بحرنه
وبيه تباهينه .
أنسام ويفيض الدم …..
وبليلة زفافج بيه
تحنينه .
علكًنه الشمع للملكًه
نثرنه الورد للزفه
وبلحن التحبينه …
تغنينه .
عرسج مفخرتنه وطش بالولايات
وتتباهه خواتج بين الحديثات
وبشموعج أبوج أ يدور ويضوي
ليالينه .
واخوتج رافعه الهامات
ورفيقات الدرب بالزفه فرحانات
والانصار طشت رازقي بديار
أهالينه .
ألج أنسام …
من زاخو…لحد الناصرية أورود
شتلينه .
لأجل عرسج هواي جسور
مًدينه ..
عرس كل الشعب عرسج ..
يا عرس الشهاده البيه
تباهينه