حميد الموسوي
يا عراقي إنهض بعد مالك
عذر .
صارت الوادم سكارى
بلا خمر ..
بلا خمر صارت سكارى بهل الوكت .
يا هو التنشده يگول آنه دخت.
من كثر چذب الحكومه وچذب مجلسنه شبت .
يا عراقي لا تدوخ …!
گوم وأخذ الحيف بيدك.
شلون ترضاهه الدواعش تنتصر
لا فلا عندك عذر.
شلون ترضه تنتصر حفنة إچلاب !
إچلاب ملتحیه بوساخه ولابسه إگصار الثياب .
جندوهه وعلفوا إعليهه الأجناب ..
ثور لا ترضه بسفالات العصر.
يا عراقي گوم جبر إلنه الكسر.
يا عراقي إنهض تره إتعدت الحد .
الوطن مكشوف صدره صير صدره وعنه صد .
صير سور وصير سد .
يا عراقي گوم ردعنه الخطر .
الدنسوا أرضك أصلهم مو بشر ……
هم .. مدري إمنين أصلهم ..؟
آنه أقسم مو بشر…
2014 10 17