حميد الموسوي
إلك يلجددت بيعتك للباگوك !
بعد لا تعتب وتشكي إذاغدروك .
لا تندم إذا وسط النزيزة إتبات..
وأخذوا صوتك وتركوك .
إنته إلجددت بيعتك للظلموك !
وهم البارحه باعوك ..
عجيب إعليك مو جربت مره..
إثنين ..!
وترد إردود للخذلوك .
مو زامطت..
ما غيرت.. من صوتت.
ومعروفين إلينقذوك
ويسعدوك .
أمس إحلفت.
من إغرگت.
لیش إنكرت
وتنكرت .
وصوتك بعته للغرگوك !!
يا مگرود ما تحلم ….
تجرهم يوم للجروك .
شوكت تصحه ؟
تظل سكران…
تعيش إعله الگلت والگال
والواعدك والوعدوك .
بيك الصوچ مو بیهم.
إنته صوتت
زكيت..
وإبن عمك گعد بالبيت !.
إنتوا إثنين.
سجل يا وطنه إثنين.
سجل يا شعبنه إثنينهم باعوك
مو بس الذي حكموك….