حميد الموسوي
للذكرى الثمانين لتأسيس الحزب الشيوعي العراقي
بدر بسمانه صرت
وبليلنه ضويت .
شايل إهموم الوطن
وللدرب ما مليت.
كل العواصف جزت
ما همتك عديت .
بعراقنه إبكل كتر
ورده إلك شتليت .
بدم كل شهيد إنسگت
صارت حديقة بیت .
تتجدد بكل سنه
لابس ثياب العرس…
بأذارنه إتحنيت.
حسادك إتوهمت
گالوا شبت .. بس ما دروا شبيت .
زعلوا وزادوا حقد
شافوك عرس بوطن..
وأبن أربعطش رديت.
شايل الرايه بعزم
وبأسم الشعب سميت.
أنبل أهداف البشر
إبرنامجك خطيت.
حب وسعاده وأمل
بکلوبنه زرعيت.
وحدة الشعبنه ردت
ناضلت وتحديت .
وللطائفية بحزم
لإرهابهم رفضيت..
رغم الجروح إنهضت
ولرايتك شديت…