زيد الغضب .
غضب غضب.
الصوت عالي ونسمع .
بكًلوبهم شب الرعب.
زيد الغضب غضب غضب.
راهنوا كلهم راهنوا.
النواب كلهم راهنوا…
كًالوا تعب..
جمعه وجمعتين ولعب…!
ما دروا إنته إبن التعب .
غضب غضب
إمطر غضب…..
إمطر غضب عل النواب.
السدوا بوجهك الأبواب ..!
وحرسوهه بحراب إجناب.
صارت مذله ياشعب ……..!
غضب غضب
إمطر غضب .
ما ينفع وياهم عتب.
صلفين قبضوه للثمن
غركًوا الوادم بالمحن .
والوطن .. ياوطن !!
بيباي الوطن……….
إمطر غضب .
مو كافي سكته ياشعب
لا.. لا تمل.
وحول جمعتك للغضب .
ونسه التعب..
ما ينفع وياهم عتب..
غضب ..غضب.
إمطر غضب.